Baş Prokurorluğun sabiq əməkdaşına hökm oxundu

Bakı Ağır Cinayətlər Məhkəməsində Baş Prokurorluğun Ağır Cinayətlərə dair İşlər üzrə İstintaq İdarəsinin həbsdə olan sabiq əməkdaşı Vüsal Müslümov və onun tanışı Sergey Biserovun cinayət işi üzrə məhkəmə prosesi başa çatıb.

APA-nın məlumatına görə, prosesdə hökm oxunub. Hökmə əsasən, V. Müslümov 12 il, S. Biserov isə 11 il müddətinə azadlıqdan məhrum edilib.

Qeyd edək ki, təqsirləndirilən V. Müslümov və onunla birlikdə həbs olunmuş S. Biserov Cinayət Məcəlləsinin 182-ci (hədə-qorxu ilə tələb etmə) maddəsi ilə ittiham olunur.

V. Müslümov baş prokuror Zakir Qaralovun əmri ilə işdən kənarlaşdırılıb.