Evdə tiryək saxlayan tutuldu

Lənkəran şəhər sakininin evindən narkotik vasitələr aşkarlanıb. AzNews.az-ın Daxili İşlər Nazirliyinə istinadən verdiyi məlumata görə, Baş Narkotiklərlə Mübarizə İdarəsi əməkdaşları tərəfindən keçirilib.

Keçirilən əməliyyat zamanı şəhər sakini, əvvəllər məhkum olunan Səyavuş Babayevin yaşadığı evdən 1,89 qram heroin, 10,64 qram tiryək və 54 ədəd şpris aşkar edilərək götürülüb. Orada olan şəhər sakini Fariz Şiriyev və Fuad Cəfərov da saxlanılıb.

S.Babayevin evdə tiryəkxana təşkil etməsi müəyyən edilib.

Faktla bağlı cinayət işi başlanıb, araşdırma aparılır.