Sevinc Osmanqızı Tamerlan Qarayevin “qara qutu” söhbətindən yazdı

“Almaniyanın “Germanwings” avia şirkətinə məxsus olan Airbus A320 sərnişin təyyarəsinin qara qutusunda olan səsyazmanın xronikasını dəqiqəbədəqiqə oxuyuram və göyərtədə baş verənləri aydın təssəvvür edirəm”.

AzNews.az xəbər verir ki, bunu özünün Facebook səhifəsində 1991-ci il noyabrın 20-də Qarakənd kəndinin yaxınlığında vertolyot qəzasında həyatını itirən jurnalist Osman Mirzəyevin qızı Sevinc Osmanqızı yazıb.

O, atasının həlak olduğu "Mİ-8" vertolyotunun qara qutusu ilə bağlı Tamerlan Qarayevlə olan söhbəti xatırlayır: "Axı qara qutu sizin nəyinizə gərəkdir? O sizə hansı informasiyanı verəcəkdi ki? O, onsuz da texniki bir şeydir, ondan heç nə öyrənmək mümkün deyil. "Mİ-8" vertolyotunun salamat qalan qara qutusunu Rusiyaya gedər-gəlməzə göndərən parlament istintaq komissiyasının rəhbəri indi getsin, xronikanı oxusun. Nə məqsədlə göndərirdi - bir özü, bir də havadarları bilir".

Bahar RÜSTƏMLİ