Səhiyyə Nazirliyi “Riyad-Farm” MMC-yə verilmiş lisenziyanı geri almayıb. Şirkət ona məxsus aptekləri öz istəyi ilə bağlayır. Səhiyyə Nazirliyi “Riyad-Farm” MMC-yə verilmiş lisenziyanı geri almayıb. Şirkət ona məxsus aptekləri öz istəyi ilə bağlayır.

Həbs olunan iş adamının obyektləri ilə bağlı- Nazirlikdən açıqlama

Səhiyyə Nazirliyi “Riyad-Farm” MMC-yə verilmiş lisenziyanı geri almayıb. Şirkət ona məxsus aptekləri öz istəyi ilə bağlayır.



AzNews.az xəbər verir ki, bunu virtualaz.org-a Səhiyyə Nazirliyindən bildiriblər.

Nazirlikdən qeyd ediblər ki, nazirlik tərəfindən "Riyad-Farm"MMC ilə bağlı araşdırma aparmayıb.

Qeyd edək ki, "Riyad-Farm" MMC mayın əvvəlindən Bakıda və bölgələrdəki apteklərinin fəaliyyətini dayandırır.

Şirkətə məxsus apteklərdən virtualaz.org-a bildiriblər ki, apteklərin bağlanmasına səbəb şirkətin müflüsləşməsidir. Belə ki, martın əvvəlindən dərman qıtlığı yaranıb: "Sifariş verilən dərmanların gətirilməsində problemlər yaranmışdı. Satıcıların isə mart, aprel aylarının maaşları verilməyib. Bəzi apteklərdə çalışanlar 3 aylıq əməkhaqqını ala bilməyib. Lakin işçilərdən əlaqə nömrələri götürülüb, problem həll olunandan sonra maaşların ödəniləcəyinə söz verilib. Aptek və bazadakı yerdə qalan dərmanlar dəyər-dəyməzinə satışa çıxarılacaq".

Qeyd edək ki, "Qafqazinfo"nun əldə etdiyi məlumata görə, "Riyad-Farm" əczaçılıq şirkətinin sahibi Həsən Şərifov və şirkətin icraçı direktoru Aqil Quliyev dörd gün öncə saxlanılıb.

Onlar Beynəlxalq Bankdan külli miqdarda kredit götürənlərdir.

"Riyad-Farm" son günlərə kimi əczaçılıq bazarında qabaqcıl distribütorlardan biri olub. Şirkət beynəlxalq əczaçı şirkətləri ilə bağladığı birbaşa müqavilələr əsasında dərman vasitələrini Azərbaycan bazarına gətirən ən böyük idxalçılardan biridir.

"Riyad-farm" 1998-ci ilin mart ayında təsis edilib. Şirkətin Bakı, Sumqayıt, Mingəçevir, Gəncə, Lənkəran, Şirvan, Quba, Cəlilabad və Biləsuvarda 20-dən çox filialı və 40 aptekdən ibarət şəbəkəsi fəaliyyət göstərib. Bundan əlavə, "Riyad-Farm" tərəfindən gətirilən 5000-ə yaxın dərman preparatı və tibbi ləvazimatları apteklərə paylanıb. Şirkətin 2414 nəfər işçisi olub.