Rusiyanın Ali ordeni Vaqif Mustafayevə təqdim olundu – FOTO

Bakıda keçirilən Rusiya günündə Rusiya Federasiyasının ölkəmizdəki səfiri Vladimir Doroxin “Space” televiziyanın rəhbəri, görkəmli kinorejissor Vaqif Mustafayevə Rusiyanın “Dostluq ordeni”ni təqdim edib.



AzNews.az xəbər verir ki, dünya şöhrətli kinorejissor Rusiya Federasiyası ilə dostluq və əməkdaşlığın möhkəmləndirilməsinə və inkişaf etdirilməsinə böyük töhfəsinə görə Rusiya Prezidenti Vladimir Putinin Fərmanına əsasən bu yüksək mükafata layiq görülüb.
Vaqif Mustafayev Rusiya Prezidentinə və səfir Vladimir Doroxinə təşəkkürünü bildirib.
Qeyd edək ki, qəbulda Azərbaycanın dövlət və hökumət nümayəndələri, Milli Məclisin deputatları, Bakıda akkreditə olunmuş diplomatik missiyaların və ictimaiyyətin nümayəndələri iştirak ediblər.