FHN iki nəfəri xilas etdi

Fövqəladə Hallar Nazirliyinin (FHN) əməkdaşları suda batan iki nəfəri xilas edib.

AzNews.az nazirliyi saytına istinadən verdiyi məlumata görə, Böhran Vəziyyətlərində İdarəetmə Mərkəzinə daxil olmuş məlumata əsasən, Yevlax şəhərində 1 nəfər çayda (ən yaxınlıqdakı xilasetmə məntəqəsindən 3000 m aralı, nəzarətsiz ərazidə) , Bakı şəhəri, Sabunçu rayonunda 1 nəfər dənizdə (məntəqə ərazisində) çimərkən batmaq təhlükəsi ilə üzləşib.

Hər iki şəxs FHN-in dalğıc-xilasediciləri tərəfindən xilas edilib.