41 yaşlı ulduz futbolçu karyerasını bərpa etdi - sahibi olduğu klubda oynayacaq

Argentinanın keçmiş yarımmüdafiəçisi Xuan Sebastyan Veron yenidən yaşıl meydanlara qayıdır.

41 yaşlı ulduz futbolçu sahibi olduğu “Estudiantes” klubu ilə müqavilə imzalayıb. 18 aylıq nəzərdə tutulan müqaviləyə görə futbolçu minimal əmək haqqı alacaq. Bununla o, klubuna xeyir verməyi düşünür.

Qeyd edək ki, futbolçu karyerası ərzində “Boko Xuniors”, “Sampdoriya”, "Parma", "Latsio", "Mançester Yunayted", "Çelsi" və "İnter" kimi klubların şərəfini qoruyub.