- Köhnə - İdman
- 13 May 2017 14:23
- 3 942
Boksçumuz 1/4 finala çıxdı
Bakı-2017 IV İslam Həmrəyliyi Oyunlarında boks yarışı davam edir.
Trend-in məlumatına görə, 75 kq çəki dərəcəsində mübarizə aparan boksçumuz Kamran Şahsuvarlı 1/8 final mərhələsində Qayana idmançısı Desmond Amsterdamla qarşılaşıb.
Boksçumuz 5:0 hesabı ilə inamlı qələbə qazanaraq 1/4 final mərhələsinə vəsiqə əldə edib.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
AzNews.az