- Köhnə - İdman
- 14 May 2017 10:52
- 3 306
İslamiadada VII yarış günü: millimiz finalda
“Bakı 2017" IV İslam Həmrəyliyi Oyunlarında bu gün 12 idman növü üzrə mübarizə gedəcək.
AzNews.az Report-a istinadən xəbər verir ki, bunların 8-də medal yarışları olacaq.
Bədii gimnastika və idman gimnastikası növlərində fərdi və komanda yarışlarının qalibləri müəyyənləşəcək.
Cüdoda 3 çəkidə 4, paracüdoda 4 çəkidə 8 idmançı medal uğrunda yarışacaq.
Qadın və kişi karateçilər kata və kumitedə hərəyə 3 medal üçün vuruşacaqlar.
Günün ən ən çox maraq doğuran görüşlərirı həndbol komandaları arasında final və bürünc medal uğrunda matçlar olacaq. Qadınların mübarizəsində həlledici qarşılaşmada Azərbaycan və Türkiyə yığmaları üz-üzə gələcək. Bu komandalar voleybolçu qadınların yarışında qrup mərhələsinin görüşü çərçivəsində də üz-üzə gələcəklər.
Atıcılıq, üzgüçülük və ağırlıqqaldırma növlərində də medallar uğrunda mübarizə gedəcək.
Qeyd edək ki, artıq Azərbaycanın aktivində 22 medal var. Bunlardan 10-u qızıl, 9-u gümüş, 3-ü bürüncdür.