"Qarabağ"ın tarixi oyununa sayılı saatlar qaldı

Bu gün UEFA Çempionlar Liqasının pley-off mərhələsi çərçivəsində "Qarabağ" Kopenhagendə cavab qarşılaşması keçirəcək.

AzNews.az xəbər verir ki, ilk oyunda “Kopenhagen”i minimal hesabla üstələyən Ağdam təmsilçisi həlledici qələbəni qazanacağı təqdirdə Azərbaycan futbol tarixində ilk dəfə Çempionlar Liqasının qrup mərhələsinə adlaya biləcək.

"Qarabağ" artıq qarşılaşmanın keçiriləcəyi "Parken" stadionunda oyunöncəsi son məşqini də edib.

Qeyd edək ki, oyun Bakı vaxtilə saat 23:45-də başlayacaq.