Ulduz futbolçuya 22 il həbs cəzası verildi

De Souza sevgilisinin qətlində ittiham edilir

Braziliyanın tanınmış futbolçularından olan Bruno de Souza 22 il müddətinə azadlıqdan məhrum edilib. ANS PRESS-in Türkiyə mətbuatına istinadla verdiyi məlumata görə, buna səbəb onun sevgilisinin qətlə yetirilməsində əlinin olması olub.
"Flamenqo" komandasının keçmiş qapıçısı olan 28 yaşlı Bruno Fernandes de Souzanın sevgilisinin dünyaya gətirdiyi uşağın futbolçudan olduğunu iddia etməklə ondan aliment tələb edib. Samudio adlı qadın 2010-cu ildə onun ata olduğunu müəyyən etmək üçün uşağı DNT testindən keçirmək üçün müraciət edəcəyini açıqlamış,bundan sonra qadın yoxa çıxmışdı.

Bir müddət sonra futbolçunun dostlarından biri Samudionun qətlə yetirdikdən sonra, cəsədini parçalayaraq itlərə yedirdiyini etiraf edib. Hadisə ilə bağlı saxlanılan Fernandes əvvəlcə heç nədən xəbəri olmadığını deyib, sonra isə cinayətdən məlumatlı olduğunu, amma heç bir əlaqəsi olmadığını etiraf edib. Buna baxmayaraq, qadının vəhşicəsinə qətlində günahkar bilinən de Souza həbs edilib.