Dünya Çempionatında iki şahmatçı qəflətən öldü - Faciə

Norveçin Tromsö şəhərində keçirilən Dünya Şahmat Çempionatında əsl faciə baş verib.

Axar.az xəbər verir ki, çempionata Seyşel adalarından qatılan 60 yaşlı idmançı oyun zamanı birdən-birə yerə yıxılıb.

Həkimlərin səyinə baxmayaraq, yaşlı şahmatçının həyatını xilas etmək olmayıb.

Elə həmin gün çempionata qatılan özbəkistanlı şahmatçı qaldığı otel otağında ölmüş vəziyyətdə tapılıb.

Dünya Şahmat Federasiyasının rəsmisi Jarle Heitman vəziyyəti faciəvi olaraq dəyərləndirib.

AzNews.az