İran açıqladı: Tanker çatdı, neft də satıldı

"İngiltərə tərəfindən saxlanılan tankerlə bağlı hüquqi prosedurlar davam etdirilir"

"Adrian Dərya 1" (Qreys-1) tankeri hədəfinə çatıb və içərisindəki neft satılıb.

Bu sözləri İran Xarici İşlər Nazirliyinin sözçüsü Abbas Musəvi deyib.

“Daha əvvəl tankerin marşrutunun tərəfindən təyin ediləcəyini söyləmişdik. İngiltərə tərəfindən saxlanılan tankerlə bağlı hüquqi prosedurlar davam etdirilir”, - deyə Musəvi bildirib.

Qeyd edək ki, ABŞ Prezidentinin milli təhlükəsizlik üzrə müşaviri Con Bolton Tvitter hesabında İngiltərə tərəfindən Cəbəllütariqdə 6 həftə saxlanıldıqdan sonra sərbəst buraxılan İranın "Adrian Dərya 1" (Qreys-1) tankerinin Suriya limanında olmasını göstərən şəkil paylaşmışdı. (axar.az)

AzNews.az