Sabiq nazir də koronavirusa yoluxdu - İranda

O, 2005-2008-ci illərdə ölkənin daxili işlər, 2013-2017-ci illərdə isə ədliyyə naziri işləyib

İranın keçmiş ədliyyə naziri Mustafa Purməhəmmədi koronavirusa yoluxub.

AzNews.az "Iran International" telekanalına istinadən xəbər verir ki, 59 yaşlı siyasətçi xəstəxanaya yerləşdirilib və karantinə alınıb.

Qeyd edək ki, o, 2005-2008-ci illərdə ölkənin daxili işlər, 2013-2017-ci illərdə isə ədliyyə naziri işləyib.

İranda rəsmi məlumata görə koronavirusdan ölənlərin sayı 43, infeksiya daşıyıcılarının sayı 593 nəfərdir. Onların 5-i deputatdır. Eyni zamanda 123 nəfər koronavirusdan sağalıb.

Xatırladaq ki, daha əvvəl İranda səhiyyə nazirinin müavini İrəç Hərirçi, vitse-prezident Məsumə Ebtekar və deputatlar - Mahmud Sadiqi və Müctəba Zünnur koronavirusa yoluxub.