Evdə lotereya oynadı və tutuldu

Gəncə şəhər sakininin qanunsuz lotereya oyunları təşkil etməsi müəyyən edilib.

Daxili İşlər Nazirliyinin (DİN) mətbuat xidmətindən AzNews.az-a verilən məlumata görə, Gəncə şəhər Baş Polis İdarəsi əməkdaşları tərəfindən İlqar Sultanovun şəhər ərazisindəki evlərdən birində qanunsuz lotereya oyunları təşkil etməsi müəyyən edilib.

Oraya baxış zamanı oyun çekləri, "Postleks" markalı çek aparatı, televizor, noutbuk, istifadə olunmamış lotereyalar aşkar edilərək götürülüb.