Polis İdarəsinə silahlı hücum: 1 ölü, 2 yaralı

Bu gün axşam saatlarında İstanbul Polis İdarəsinə silahlı hücum təşkil edilib.

Binaya girməyə çalışan iki təcavüzkarla polis arasında atışma olub. Nəticədə 2 polis yaralanıb.
AzNews.az xəbər verir ki, bu haqda məlumatı İHA agentliyi yayıb.
Məlumata görə, hücum zamanı terrorçulardan biri öldürülüb.
Üzərində bomba olan qadın terrorçunun vurularaq öldüyü açıqlanıb. Onun adının Əlif Sultan Kalsen olduğu müəyyənləşib.
Ölən terrorçunun üzərindən üç bomba tapılıb. Bombalar mütəxəssislər tərəfindən partladılaraq zərərsizləşdirilib.
Digər təcavüzkarın yaxalanması üçün axtarışlara başlanılıb.