"40 dəfə peşman oldum" deyən oğru - “Artıq neçəncidir bilmirəm”

Oğurlanan əşyaların bir qismi istintaqa təhvil verilib

Noyabrın 2-də Qax rayon Polis şöbəsinə ərizə ilə müraciət edən rayon sakini Rəcəb Nəzirov evindən 3 min manat pul, tir tapançası, qızıl-zinət və digər məişət əşyalarının oğurlandığını bildirib.

ARB TV xəbər verir ki, dindirilmə zamanı saxlanılan şəxslər törətdikləri cinayət əməlini etiraf ediblər. Aparılan araşdırmalarla İmeda Qamxaraşvilinin digər cinayət əməlində də iştirakının olduğu öz təsdiqini tapıb. Onun Qax rayon sakini Temur Lomaşvilinin evindən bir ədəd tir tüfəngini də oğurladığı müəyyən edilib. Bu cinayət əməli əvvəllər məhkum olunmuş Səbuhi Məmmədov və İmeda Qamxaraşvilinin 2018-ci ildə törətdikləri ikinci hadisədir. Onlar birlikdə rayon sakininə məxsus avtomobili də oğurlayıblar və məsuliyyətə cəlb olunublar. Saxlanılan şəxslər əməllərindən peşman olduqlarını bildiriblər.

Saxlanılan şəxs: “Olduq ya olmadıq, 40 dəfə peşman olmuşuq. Artıq neçəncidir bilmirəm”.

Oğurlanan əşyaların bir qismi onların yaşadığı evlərdən maddi sübut kimi götürülərək istintaqa təhvil verilib.

Faktla bağlı araşdırma aparılır.

AzNews.az