22 yaşlı gənci öldürən sürücü hadisə yerindən qaçdı - VİDEO

Zərbənin təsirindən piyada bir neçə metr kənara düşüb.

Bakının Zığ qəsəbəsi, Rövşən Göyüşov küçəsində ölümlə nəticələnən yol-nəqliyyat hadisəsi baş verib.

Tural İsmayılov idarə etdiyi "Mercedes" markalı avtomobillə avtobusdan düşüb yolu keçmək istəyən piyada, 22 yaşlı İlkin Zamanovu vurub.

Zərbənin təsirindən piyada bir neçə metr kənara düşüb. O, aldığı xəsarətlərdən hadisə yerində dünyasını dəyişib, sürücü isə idarəetməni itirərək avtomobili işıq dirəyinə çıpıb. Dirək yerindən qoparaq aşıb.

T.İsmayılov qəzadan sonra ərazidən qaçıb.

Hadisə yerində polis əməkdaşları olub. Meyit müayinə olunmaq üçün tibbi ekspertizaya aparılıb.

Faktla bağlı Suraxanı Rayon Polis idarəsində araşdırma aparılır. (ARB TV)

AzNews.az