Axtarışda olan 19 nəfər tutuldu - dünən

Əvvəlki dövrlərdən bağlı qalmış 22 cinayətin açılması təmin olunub

Azərbaycanın daxili işlər orqanları tərəfindən gün ərzində 133 cinayət faktı qeydə alınıb, onların da 17-si “isti izlər”lə açılıb.

Bu haqda məlumat AzNews.az-a DİN-in Mətbuat Xidmətindən verilib.

Məlumata görə, əvvəlki dövrlərdən bağlı qalmış 22 cinayətin açılması təmin olunub.

- Axtarışda olduğuna görə ümumilikdə 19 nəfər, o cümlədən borclu şəxs qismində axtarışda olan 11 nəfər saxlanılaraq aidiyyəti üzrə təhvil verilib.

- Respublikanın avtomobil yollarında 4 yol-nəqliyyat hadisəsi baş verib, nəticədə 11 nəfər nəfər xəsarət alıb.

- Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 7, qanunsuz saxlanılan silah-sursatla bağlı 2 fakt müəyyən edilib.

- Cinayət törətməkdə şübhəli bilinən 25 nəfər saxlanılıb.

AzNews.az