- Qanundan kənarda
- 16 Fevral 2019 11:29
- 2 500
Məhkəmə Akif Çovdarovu müdafiə etdi, zərərçəkən polis yenidən şikayət etdi
Keçmiş MTN generalı ilə bağlı 216 min manatlıq mülki iddia qaldırılıb
Həbsdə olan ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov və onun keçmiş işçisi, polkovnik Səlim Məmmədov keçmiş polis əməkdaşı tərəfindən məhkəməyə verilib.
AzNews.az-ın məlumatına görə, zərərçəkmiş qismində tanınan, Daxili İşlər Nazirliyinin sabiq əməkdaşı Neman Kərimovun məhkəmə prosesinə Bakı Apellyasiya Məhkəməsinin hakimi Xəyal Sarıyev sədrlik edir.
Xatırladaq ki, N.Kərimov A.Çovdarov və S.Məmmədovun barəsində mülki qaydada Xəzər Rayon Məhkəməsinə iddia irəli sürüb.
Belə ki, o, general və polkovnikdən 216 min manat dəyərində həm mənəvi, həm də maddi təzminat tələb edib.
AzNews.az
Xəzər Rayon Məhkəməsində hakim Tərlan Əkbərovun sədrliyi ilə keçiirlən prosesdə qərar elan olunub.
Qərara əsasən, N.Kərimovun iddiası təmin edilməyib.
Qeyd edək ki, 2015-ci ildə həbs edilən A.Çovdarov və S.Məmmədovun ittiham aktına əsasən, N.Kərimov və dayısı oğlu Elçin Mövsümov "Elit" otelində iki qızla qalarkən MTN əməkdaşları basqın edib və onları nazirliyə aparıblar. Nazirliyin inzibati binasında isə ona Sevinc Rüstəmovaya 30 min manat borcu olduğunu deyiblər.
Daha sonra MTN əməkdaşları N.Kərimovu buraxmaq üçün əvvəl 250 min manat pul istəyib və 80 min manata razılaşıblar. N.Kərimovun dayısı Zakir Mövsümov 80 min manat pul gətirərək, MTN zabitlərinə verib və onu buraxıblar.
Xatırladaq ki, Bakı Hərbi Məhkəməsinin hökmü ilə Akif Çovdarov 12 il, Səlim Məmmədov 11 il, Akif Əliyev 5 il və Orxan Osmanov 4 il müddətinə azadlıqdan məhrum edilib. Onların 33 milyon manatlıq əmlaklarının əksəriyyəti müsadirə edilib və rütbələrinin alınması üçün təqdimat verilib.
Azər
AzNews.az