Jurnalist İlham Məmmədzadənin avtomobilinin şüşələri sındırıldı - FOTO

Maşından oğurluq edilib-edilməməsi polislər gələndən sonra məlum olacaq

Jurnalist İlham Məmmədzadəyə məxsus 99 CM 808 nömrə nişanlı "Mersedes" markalı avtomobilin şüşələri gecə saatlarında sındırılıb.

Hadisə Sumqayıt şəhəri, 36-cı məhəllə, bina 5/11-in həyətində baş verib. İ.Məmmədzadə artıq polisə məlumat verildiyini qeyd edib. İ.Məmmədzadə bildirib ki, polislər hələ gəlməyib, maşından oğurluq edilib-edilməməsi polislər gələndən sonra məlum olacaq.

Musavat.com-a açıqlama verən jurnalist bildirib ki, həyətdə 30-dan artıq maşın olduğu halda sadəcə onun maşınının şüşələrinin sındırılması təsadüfə bənzəmir.

İlham Məmmədzadəyə bildirib ki, "Ata sığorta" şirkətinə dəfələrlə zəng etsə də cavab verən olmayıb. (Musavat.com)