Kürdəmirdə kütləvi dava - Yaralılar var

Faktla bağlı araşdırma aparılır

Kürdəmir rayonunda kütləvi dava olub.

Hadisə Çöl-Qubalı kəndində qeydə alınıb.

Belə ki, həmin kəndin sakinləri - 1990-cı il təvəllüdlü Hüseynov Ramiz Mübariz oğlu və 2000-ci il təvəllüdlü Hüseynov Elxan İlham oğlu "QAZel" markalı avtomobillə kənd ərazisində hərəkətdə olarkən onların qarşısını həmkəndliləri - Həsənov İntizam, Həsənov Elşən, Həsənov Sahil və Həsənov Elbrus kəsiblər.

Aralarında yaranan mübahisə sonda əlbəyaxa davaya çevrilib. Nəticədə Ramiz və Elxan Hüseynovlar küt alətlərlə ağır bədən xəsarətləri alıblar. Onlar Kürdəmir Rayon Mərkəzi Xəstəxanasının Travmatologiya şöbəsinə yerləşdiriliblər.

Qeyd edək ki, hadisə nəticəsində Hüseynov Ramizə məxsus "QAZel" markalı yük maşınına ciddi ziyan dəyib.

Faktla bağlı araşdırma aparılır.(report.az)

AzNews.az