Hazırda iş üzrə istintaq-əməliyyət tədbirləri davam etdirilir Hazırda iş üzrə istintaq-əməliyyət tədbirləri davam etdirilir

Baş Prokurorluq Beyləqandakı qətllə bağlı məlumat yaydı

Hazırda iş üzrə istintaq-əməliyyət tədbirləri davam etdirilir

Baş Prokurorluq Beyləqandakı qətllə bağlı məlumat yayıb.

Baş Prokurorluğun Mətbuat Xidmətindən AzNews.az-a daxil olan məlumatda deyilir:

"Bakı şəhər sakini Nazim Musayevin 16 iyun 2020-ci il tarixdən itkin düşməsi ilə bağlı Nizami RPİ-nə daxil olmuş müraciət əsasında aparılan təxirə salınmaz əməliyyat-axtarış tədbirləri zamanı Ziyəddin Seyidovun izahatı alınarkən, sonuncu N.Musayevi öldürdüyünü etiraf edib.

Prokurorluq və polis əməkdaşlarının keçirdiyi istintaq-əməliyyat tədbirləri zamanı Nazim Musayevin meyiti Ziyəddin Seyidovun qeyd etdiyi ünvanda aşkar edilmiş, məhkəmə-tibb ekspertinin iştirakı ilə meyitə ilkin baxış zamanı bədəni üzərində zorakılıq əlamətləri aşkar olunub. Faktla bağlı Beyləqan rayon prokurorluğunda Cinayət Məcəlləsinin 120.1 (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla Ziyəddin Seyidovun Nazim Musayevi öldürüb işlədiyi Beyləqan rayonu Yuxarı Aran kəndi ərazisində yerləşən fermanın həyətində basdırmasına əsaslı şübhələr müəyyən edildiyindən, Z.Seyidov qeyd olunan cinayət əməlini törətməkdə şübhəli şəxs kimi tutulub istintaqa cəlb edilib.

Hazırda iş üzrə istintaq-əməliyyət tədbirləri davam etdirilir".