Hadisə avqustun 14-də baş verib Hadisə avqustun 14-də baş verib

Arvadını 14 dəfə bıçaqlayıb öldürən şəxsə 14 il həbs cəzası verildi

Hadisə avqustun 14-də baş verib

Bakı Ağır Cinayətlər Məhkəməsində arvadını xüsusi amansızlıqla öldürməkdə təqsirləndirilən İlqar Vəliyevin cinayət işi üzrə məhkəmə prosesi başa çatıb.

Hakim Samir Əliyevin sədrlik etdiyi iclasda hökm oxunub.

Hökmə əsasən, İ.Vəliyev 14 il müddətinə azadlıqdan məhrum edilib.

Qeyd edək ki, hadisə avqustun 14-də saat 12 radələrində Abşeron rayonu ərazisində baş verib. 1975-ci il təvəllüdlü Səyyarə Vəliyevanın yaşadığı mənzildə çoxsaylı bıçaq xəsarətləri yetirilməklə öldürülməsi barədə rayon prokurorluğuna məlumat daxil olub.

İstintaqla hadisənin zərərçəkmişin əri, 1967-ci il təvəllüdlü İlqar Vəliyev tərəfindən törədilməsi müəyyən edilib.

Hadisə qısqanclıqdan yaranan ailə münaqişəsi zəminində baş verib və İ.Vəliyev arvadına 14 bıçaq zərbəsi vurub.

Ona Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə cinayət ittiham verilib. (report)

AzNews.az