Azərbaycan hökuməti iqtisadi artım üzrə proqnozları yaxşılaşdırıb

Ümumi daxili məhsulun 3,6 faiz səviyyəsində artacağı proqnozlaşdırılır.

Azərbaycan hökuməti 2019-cu ildə ümumi daxili məhsulun 3,6 faiz səviyyəsində artacağını proqnozlaşdırır.

Bu barədə “2019-cu il üçün Azərbaycanın dövlət büdcəsi haqqında” qanun layihəsində deyilir.

Daha əvvəl bu göstərici 3,1 faiz səviyyəsində proqnozlaşdırılırdı.

2020-ci ildə ÜDM-in 3,8 faiz (əvvəlki proqnoz 3,5 faiz), 2021-ci ildə 3 faiz (əvvəlki proqnoz 2,4 faiz) artımı proqnozlaşdırılır. 2018-ci il üçün proqnoz 2 faiz səviyyəsində dəyişməz qalıb.

Azərbaycan hökumətinin 2018-2022-ci illər üzrə ÜDM proqnozları:

	2018	2019	2020	2021	2022
Cari proqnoz
Nominal ÜDM (milyard manatla)	70,2	81,9	87,4	93	98,9
ÜDM-in real artım tempi (%)	2	3,6	3,8	3	2,7
Əvvəlki proqnoz
Nominal ÜDM (milyard manatla)	74,65	75,4	81,25	84,97	-
ÜDM-in real artım tempi (%)	2,0	3,1	3,5	2,4	-

Qeyri-neft sektoru üzrə 2018-ci ildə 3,4 faiz, 2019-cu ildə 3,9 faiz, 2020-ci ildə 3,8 faiz, 2021-ci ildə 4,6 faiz və 2022-ci ildə 3,6 faiz artım gözlənilir.

Neft sektoru bu il gözlənilən 0,3 faiz azalmaya baxmayaraq gələcək illərdə artım nümayiş etdirəcək. Bu sektorda 2019-cu ildə 3,1 faiz, 2020-ci ildə 3,8 faiz, 2021-ci ildə 3,6 faiz və 2022-ci ildə 1,3 faiz artım proqnozlaşdırılır.(trend.az)

AzNews.az