Azərbaycan Rusiya taxılının idxalını azaldıb - 59%

Bu barədə “Rusaqrotrans” analitik mərkəzinin hesabatında deyilir.

Azərbaycan 2018-ci ilin iyul ayından 2019-cu ilin yanvar ayına qədər Rusiyadan 376 min ton taxıl idxal edib.

Bu barədə “Rusaqrotrans” analitik mərkəzinin hesabatında deyilir.

Hesabata əsasən, bu, 2017-ci ilin iyul ayından 2018-ci ilin yanvar ayına qədərki dövrlə müqayisədə 59,4% azdır.

Ümumilikdə isə hesabat dövründə Rusiya 31,8 mln. ton taxıl ixrac edib ki, bu da illik müqayisədə 2,4% çoxdur.

Rusiya taxılının əsas alıcısı Misir olub. Bu ölkə Rusiyadan 5,75 mln. ton taxıl alıb ki, bu da 1 il əvvələ nisbətən 8,8% çoxdur.

Növbəti yerdə Türkiyə qərarlaşıb. Bu ölkə Rusiyadan taxıl idxalını 15% azalaraq 3,75 mln. tona endirib.

İlk 3-lükdə həmçinin İran qərarlaşıb. İslam Respublikası şimal qonşumuzdan 1,47 mln. ton taxıl idxal edib ki, bu da illik müqayisədə 12% azdır.(report.az)

AzNews.az