- Üçüncü sektor
- 19 Aprel 2019 15:16
- 2 298
Müğənni cütlük arasında qalmaqal böyüyür
Təzminat ödənilməsə, villası satılacaq
Türkiyənin məşhur müğənniləri - Yavuz Bingöl və keçmiş həyat yoldaşı Öykü Gürman arasında qalmaqal böyüyüb.
AzNews.az Türkiyə mətbuatına istinadla xəbər verir ki, 2015-ci ildə evlənən cütlük 8 ay sonra boşanıb. Məhkəmə Yavuz Bingölün Öykü Gürmana 100 min lirə maddi, 100 min lirə mənəvi təzminat ödəməsini tələb edib.
Boşanmaqlarından 3 il keçsə də, Yavuz Bingöl təzminatı ödəməyib.
Öykü Gürmanın vəkili məhkəməyə yenidən müraciət edərək, təzminatın ödənilməsini tələb edib. Vəkil təzminatın ödənmədiyi təqdirdə Yavuz Bingölün 3 milyon lirəlik villasının satılmasını tələb edib.
Öykü Gürman hal-hazırda “Sen Anlat Karadeniz” serialında Asiye obrazını canlandırıb.
Nigar CƏFƏR
AzNews.az