- Üçüncü sektor
- 19 İyul 2019 13:51
- 2 720
Tom Kruzun yeni filmi
Ekran əsəri 1986-cı ildə çıxmış “Sərrast atıcı” filminin davamıdır
İyulun 19-da amerikalı kinoaktyor Tom Kruz San-Diyeqo şəhərində (Kaliforniya) keçirilən “Comic-Con” beynəlxalq festivalında “Sərrast atıcı 2” kəskin süjetli filmi təqdim edib.
TASS agentliyi xəbər verir ki, ekran əsəri 1986-cı ildə çıxmış “Sərrast atıcı” filminin davamıdır.
“Biz ABŞ-ın Hərbi Dəniz Qüvvələri ilə əməkdaşlıq edirik. Mən sizinlə qırıcı təyyarədə uçmağın nə demək olduğunu bölüşmək istərdim”, - deyə aktyor bildirib.
Filmin qəhrəmanı hər zaman olduğu kimi qara gödəkcədə gözünə eynək taxaraq motosikletlə təyyarəni ötməyə çalışır.
Filmin premyerasının 2020-ci il iyunun 26-da keçirilməsi nəzərdə tutulur.(AZƏRTAC)
AzNews.az