Berdiməhəmmədov azərbaycanlı müğənnilərə hədiyyə verdi - VİDEO

Hədiyyələri sənətçilərə ölkənin Mədəniyyət naziri Şamuradov Atageldi təqdim edib

Avqustun 12-də Türkmənistanın Türkmənbaşı şəhərində keçirilən Birinci Xəzər İqtisadi Forumunda Azərbaycandan olan sənətçilər də iştirak edib.

Əməkdar artist Rəşad İlyasov və müğənni Samirə Əfəndi Avazada təşkil olunan gecədə çıxış ediblər.

Gənc ifaçı Əfəndinin çıxışı isə türkmənlər tərəfindən xüsusi maraqla qarşılanıb. O, əvvəlcə Əməkdar artist Tünzalə Ağayevanın ona hədiyyə etdiyi “Kəpənəklər” mahnısını səsləndirib, daha sonra “Vətənpərvər ballada”nı ifa edib.

Tədbirdə Rusiyanın pop ulduzları Sergey Lazerev, Nyuşa, İran və Qazaxıstandan dəvət olunmuş ifaçılar da səhnəyə çıxıb. Konsertdən sonra Türkmənistan Prezidenti Qurbanqulu Berdiməhəmmədov tərəfindən sənətçilərə ölkənin milli sərvəti hesab olunan hədiyyələr verilib.

Hədiyyələri sənətçilərə ölkənin Mədəniyyət naziri Şamuradov Atageldi təqdim edib.

AzNews.az