Türkiyəli müğənnidən üzücü xəbər var

Müğənninin qanında yüksək dərəcədə infeksiya aşkarlanıb

Türkiyənin məşhur müğənnisi Gülay illərdir xərçəng xəstəliyindən əziyyət çəkir. Müğənni iki dəfə xəstəliyə qalib gəlsə də, dünən gecə vəziyyəti pisləşib və xəstəxanaya yerləşdirilib.

AzNews.az türk mətbuatına istinadən xəbər verir ki, “Cesaretin Var mı Aşka” mahnısı ilə 90-cı illərə damğa vuran Gülayın gözlənilmədən halı pisləşib. Müğənninin qanında yüksək dərəcədə infeksiya aşkarlanıb.

49 yaşlı müğənninin trombosit səviyyəsinin azalmasından narahat olduğu məlum olub. Bundan əlavə, müayinələrdə müğənninin qanında yüksək dərəcədə infeksiyanın olduğu bildirilib.

Xəstəxanadan verilən məlumata görə, müğənni bir müddət orada qalacaq.

Səidə Vahid

AzNews.az