“Surpizlər çox olacaq”- Aygün Kazımova

Heydər Əliyevin anadan olmasının 92-ci ildönümümünə həsr olunmuş gül bayramı və Böyük Vətən Müharibəsində faşizm üzərində Qələbənin 70-ci ildönümü münasibətilə Nərimanov Rayon İcra Hakimiyyəti və Azad Azərbaycan Televiziyasının birgə təşkilatçılığı ilə konsert proqramı baş tutub.

"Qafqazinfo"nun məlumatına görə, konsertdə xalq artisti Aygün Kazımova da iştirak edib.

Xalq artisti səhnəyə çıxmamışdan əvvəl saytımıza yenilikləri barədə açıqlama verib:

"Yeniliklərim çoxdur, gərək başlasam səhərə kimi danışım. Surpizlər çox olacaq. Bu gün konsertdə çıxışımdan sonra "Maşın realiti şou"da iştirak edəcəm. Maraqlı bir şou olacaq. Qismət kimindirsə, maşın onun olsun. Əsas odur ki, o verilişi dostum Murad aparır. Bu mənim üçün xüsusi bir əhəmiyyət daşıyır".