Siyavuş Novruzov: “ATƏT-in pusquda duran müşahidəçiləri…”

YAP-çı deputat Siyavuş Novruzov Milli Məclisdə Türkiyəni dəstəkləyən açıqlama ilə çıxış edib: "Ermənistanla Azərbaycan arasında münaqişə başlayan kimi ilk olaraq sərhədi bağlayan Türkiyə olub".

Siyavuş Novruzov bunun ardınca isə Ermənistanda keçirilən seçkilərdən də bəhs edib: "Bizdə seçki keçiriləndə ATƏT-in pusquda duran müşahidəçiləri 8 ay burada monitorinq aparırlar. Gah seçkiyə iki ay qalmış bəyanat verirlər, gah seçki öncəsi vəziyyətin monitorinqini açıqlayırlar, gah seçki günü bəyanat verirlər, gah da seçkidən iki ay sonra… Amma bunların Ermənistanda seçki prosesi ilə bağlı bir bəyanatı da yoxdur. Namizədlərin mediada çıxış etməsinin monitorinqini aparmadılar, bir namizədə sui-qəsd oldu. Bəs niyə bu halları görmürlər?" .

İlkin
AzNews.az