Dindarlar aksiyaya hazırlaşır- Bakıda

Həbsdə olan vicdan məhbuslarını yaxınlarının askiyada iştirakı istisna edilmir

SalamNews-un məlumatına görə, komitə bildirib ki, müraciət etməkdə məqsəd iyunun 1-də Bakıda qanunsuz həbslərin dayandırılması və qanunsuz həbs olunanların dərhal azadlığa buraxılması tələbilə aksiya keçirməkdir.

Ölkədə fəaliyyət göstərən siyasi partiyalar, hüquq müdafiəsi, gənclər təşkilatları, eləcə də həbsdə olan vicdan məhbuslarını yaxınlarının askiyada iştirakı istisna edilmir.

Komitənin sosial şəbəkələrdə yaydığı bəyanatda deyilir: "Tale Bağırzadənin Hüquqlarını Müdafiə Komitəsi 1 iyun 2013-cü ildə saat 16.00-dan 18.00-dək Bayıl qəsəbəsində yerləşən Sürücülük Məktəbinin həyətində mitinq keçirmək niyyətindədir. Mitinqin şüarları "Qanunsuz həbslərə son qoyulsun!", "Qanunsuz həbs olunanlar dərhal azad edilsin!", "Konstitusion hüquq və azadlıqlarımızın tapdanmasına dözməyəcəyik!", "Vicdan məhbuslarına, siyasi məhbuslara azadlıq!" şüarları ilə keçiriləcək. Aksiya təşkilatçı kimi qatılmaq istəyən bütün ictimai, siyasi qurumlar üçün açıqdır."

Xatırladaq ki, T.Bağırovun Hüquqlarını Müdafiə komitəsi mayın əvvəlində təsis olunub.


AzNews.az