- Köhnə - Siyasət
- 18 İyun 2013 16:02
- 1 711
Azay Quliyev ATƏT PA-da qətnamə qaldırdı
AzNews.az-ın məlumatına görə, vətəndaş cəmiyyətinin hər zaman müzakirələrə əlavə dəyər gətirdiyini deyən A.Quliyev ATƏT PA-ya təklif etdiyi qətnamədə üzv dövlətləri QHT-lər və digər vətəndaş cəmiyyəti institutları ilə daha sıx dialoqa və əməkdaşlığı gücləndirməyə çağırıb: "QHT-lər yalnız müşahidəçi kimi yox, həm də qərar vermə prosesində aktiv rol oynamalıdılar".
21 ölkədən olan 56 parlament üzvü tərəfindən dəstəklənən qətnamə layihəsi, həmçinin, ATƏT-ə üzv olan ölkələri QHT-lər üçün informasiya resurslarından istifadə məhdudiyyətlərini aradan qaldırılmağa və onların maliyyə resurslarının şəffaflığını artırılmağa çağırır.
Sözügedən qətnamə layihəsi bu il iyunun 29-dan İyulun 3-dək ATƏT PA-nın İstanbulda keçiriləcək illik sessiyasında səsverməyə qoyulacaq. Açıqlamada o da bildirilir ki, illik sessiyada qəbul olunan qətnamələr ATƏT-in gələcək siyasətinin formalaşdırmasına kömək edir.
Xatırladaq ki, Azay Quliyevin müəllifi olduğu qətnamə layihəsi ATƏT PA-nın İstanbul sessiyasında müzakirəyə çıxarılan 29 qətnamə layihəsi içərisində dəstək aldığı ölkələrin sayına görə Amerikadan sonra ikinci yerdədir.
AzNews.az