Rüstəm İbrahimbəyov ölkəyə qayıdacağı vaxtı açıqladı - ÖZƏL

"İyul ayının axırında Azərbaycanda olacağam".

Bu sözləri AzNews.az-a açıqlamasında Milli Şuranın sədri, tanınmış dramaturq Rüstəm İbrahimbəyov deyib.

O qeyd edib ki, Bakıya qayıdacağı tarixlə bağlı ölkə ictimaiyyətinə ünvanladığı son yazısında da məlumat verib: "Bu barədə mətbuata daha öncə də məlumat vermişəm. İyul ayının ortasında Avropaya səfərim gözlənilir. Avropada bir sıra mühüm görüşlərim olacaq. İyul ayının sonlarına qədər planlaşdırılan görüşlər yekunlaşacaq. Bunun ardınca isə iyul ayının sonunda Bakıya dönəcəyəm".

Qeyd edək ki, Milli Şura ilə bağlı əsas narahatlıq qurumun sədrinin ölkəyə qayıtmayacağı iddiaları ilə bağlıdır. R.İbrahimbəyov ötənlərdə verdiyi müsahibədə həbs təhlükəsinin mövcudluğunu bildirmiş və ölkəyə gəliş vaxtının da Avropadakı bütün görüşlərini başa vurduqdan sonraya salınacağını bildirmişdi.

Bahar Rüstəmli
AzNews.az