Aleksandr Sorokin: "Biz hazırda həmin şəxsin yerini müəyyənləşdirməyə çalışırıq" Aleksandr Sorokin: "Biz hazırda həmin şəxsin yerini müəyyənləşdirməyə çalışırıq"

İslam Hüseynovu öldürmək istəyən azərbaycanlı cıxdı

Aleksandr Sorokin: "Biz hazırda həmin şəxsin yerini müəyyənləşdirməyə çalışırıq"



Rusiyanın Ulyanovsk şəhərində sui-qəsdə məruz qalmış Azərbaycan diasporunun lideri İslam Hüseynova hücum edənlərdən birinin şəxsiyyəti məlum olub.

Lent.az-ın Ulyanovsk KİV-ə istinadən verdiyi məlumata görə, bu barədə Rusiya İstintaq Komitəsinin Ulyanovsk vilayət şöbəsindən bildirilib. Məlum olub ki, bu şəxs Hüseynovun özünün də yaxşı tanıdığı azərbaycanlıdır.

Şöbənin xüsusi işlər üzrə müstəntiqi Aleksandr Sorokinin bildirdiyinə görə, həmin adam uzun müddətdir ki, Ulyanovskda yaşayırmış və hücuma məruz qalan İslam Hüseynovla münasibətləri varmış.

"Biz hazırda həmin şəxsin yerini müəyyənləşdirməyə çalışırıq. Hüseynov özü isə nədənsə istintaqla əməkdaşlıq etməkdən çəkinir" - deyə, Sorokin bildirib. Xatırladaq ki, dünən günorta saatlarında Çelyabinskdəki Azərbaycan diasporunun rəhbəri İslam Hüseynova qarşı sui-qəsd olub. Hüseynov özü yaralanıb, mühafizəçisi isə öldürülüb.

AzNews.az