Donald Tuskun Azərbaycana səfəri başa çatdı

Avropa İttifaqı Şurasının prezidenti Donald Tuskun Azərbaycana rəsmi səfəri iyulun 22-də başa çatıb.

AzNews.az-ın məlumatına görə, Avropa İttifaqının bayrağının və Azərbaycan Respublikasının dövlət bayrağının dalğalandığı Heydər Əliyev Beynəlxalq Aeroportunda hörmətli qonağın şərəfinə fəxri qarovul dəstəsi düzülmüşdü.

D.Tusku Azərbaycan Baş nazirinin birinci müavini Yaqub Eyyubov, Azərbaycanın Belçika Krallığındakı səfiri, Avropa İttifaqı yanında daimi nümayəndəliyin rəhbəri Fuad İsgəndərov və Avropa İttifaqının Azərbaycandakı nümayəndəliyinin rəhbəri xanım Malena Mard yola saldılar.