ƏƏSMN-nin saytında “Birdəfəlik ödəmə” bölməsi işə salınıb ƏƏSMN-nin saytında “Birdəfəlik ödəmə” bölməsi işə salınıb
  • Toplum
  • 15 Oktyabr 2018 14:15
  •  2 219

Birdəfəlik ödəmə alacaq şəhid ailələri ilə bağlı yeni xəbər

ƏƏSMN-nin saytında “Birdəfəlik ödəmə” bölməsi işə salınıb

Azərbaycan Respublikası Prezidentinin 2018-ci il 19 aprel tarixli 1 nömrəli Fərmanının icrası olaraq, Əmək və Əhalinin Sosial Müdafiəsi Nazirliyi tərəfindən şəhid hərbi qulluqçuların vərəsələrinin birdəfəlik ödəmə ilə təmin olunması məqsədilə cari il oktyabrın 9-dan sənədlərinin qəbuluna başlanılıb.

AzNews.az-ın Əmək və Əhalinin Sosial Müdafiəsi Nazirliyidən əldə etdiyi məlumata əsasən, bununla əlaqədar aidiyyəti qurumlardan alınmış siyahılar əsasında şəhid hərbi qulluqçuların dəqiqləşdirilmiş siyahısı üzrə nazirliyin saytında (www.mlspp.gov.az) “Birdəfəlik ödəmə” bölməsi işə salınıb.

Bölmədə vətəndaşlar tərəfindən şəhid hərbi qulluqçunun adı, soyadı və atasının adı qeyd olunmaqla, sorğu verilərək, şəhid hərbi qulluqçunun vərəsəsinin (vərəsələrinin) birdəfəlik ödəməni almaq hüququnun olub-olmadığı barədə məlumat əldə olunur.

Qeyd edək ki, bugünədək şəhid hərbi qulluqçuların birdəfəlik ödəməni almaq hüququ olan vərəsələrinin 85 faizi, sığorta ödənişinin verilməsinə dair qanuni qüvvəyə minmiş məhkəmə aktı olan hərbi qulluqçuların vərəsələrinin 77 faizi, o cümlədən şəhid hərbi quluqçuların sığorta ödənişi edilmiş vərəsələrinin 79 faizi sayt vasitəsilə axtarış apararaq müvafiq məlumat əldə edib.

Səidə Nurməmmədli,

AzNews.azv