Emma Ələkbərzadə Bakının məşhur restoranında zəhərləndi

Müğənni Emma Ələkbərzadə Bayılda yerləşən “Riviera” restoranında salatdan zəhərlənib.


E.Ələkbərzadə səhhətində yaranan ciddi problemlə bağlı Oxu.Az-a danışıb.

“Saat 16:30-da “Riviera” restoranına gəldim. Məni həmin restoranda hamı tanıyır. Salat sifariş etdim qızardılmış salmon balığı ilə. Heç ağlıma da gəlməzdi ki, bu məkanda yediyim yeməkdən bu hala düşə bilərəm. Mən kök olduğum illərdə “Riviera” çox balaca bir məkan idi. Bir dəfə də həmin restoranda yediyim tunes balığından hazırlanmış salatdan zəhərlənmişdim.

Düşündüm ki, nə qədər vaxt və zaman keçib bu restroranında vəziyyəti dəyişib daha yaxşı olar. Heç restoranın sahibinin belə xəbəri yoxdur ki, orada tez-tez zəhərlənmə hadisələri baş verir. Amma sən saydığını say, gör fələk nə sayır.

Mən bu məsələ ilə bağlı restorana hələdə şikayət edə bilməmişəm. Səbəb isə oğlum Davidin tətildə olması ilə əlaqədərdir. Mən onu tək qoyub gedib restoranla bu məsələni həll edə bilmərəm.

Dünən vəziyyətim ağır idi. Çox gərgin idim. Ürək bulanma və qusmaların sayını belə itirmişəm. Bu gün bir az özümə gəlsəmdə səhhətim tam normaya düşməyib. Dünən təcili tibbi yardıma zəng vurmaq istəyirdim, lakin sonra fikrimdən daşındım. Çünki oğlum həkimlərdən qorxur, onları görən kimi başlayır ağlamağa. Amma öz şəxsi həkimimlə məsləhətləşib, onun verdiyi tövsiyyələrə əməl edirəm”.

AzNews.az