• Toplum
  • 30 Noyabr 2020 10:19
  •  129

“COVID-19” xəstələri taksidə aşkarlandı

Onların törətdiyi əmələ hüquqi qiymət verilməsi istiqamətində araşdırma aparılır

Astara və Masallıda “COVID-19” infeksiyasına yoluxmuş daha 3 şəxsin yaşayış yerini tərk etdiyi müəyyən edilib.

DİN Mətbuat Xidmətinin Lənkəran regional qrupundan AzNews.az-a verilən məlumata görə, Astara rayonunun Süparibağ kənd sakini N.Babayev və Pəlikeş kənd sakini V.Qüdrətova, Masallı rayonunun Mahmudavar kənd sakini B.Rəhimova COVİD-19 infeksiyası testinin pozitiv nəticəsinə görə ev şəraitində müalicə təyin edilib və onlara yaşayış yerini tərk etməmələri tapşırılıb.

Lakin polis əməkdaşlarının keçirdiyi müvafiq tədbirlərlə həmin şəxslərin yaşayış yerlərini tərk etdiyi müəyyən edilib və onlar şəhər ərazisində taksidə aşkar edilərək təcili tibbi yardımla yaşadıqları ünvana qaytarılıblar. Onların törətdiyi əmələ hüquqi qiymət verilməsi istiqamətində araşdırma aparılır.