Netanyahu fikrindən dönmədi - O kənd dağıdılacaq

Netanyahu dünya ictimaiyyətini dinləməyəcək.

İsrailin baş naziri Binyamin Netanyahu dünya ictimaiyyətinin müdafiəsinə qalxdığı kəndi dərhal dağıtmaq fikrindən bir müddət vaz keçsə də, tezliklə bunun reallaşacağını söyləyib.

Baş nazir bu kiçik fasilənin Xan əl-Ahmar kəndinin sakinləri ilə onların köçürülməsinə dair sonuncu danışıq aparılması üçün istifadə olunacağını bildirib.

“Xan əl-Ahmar təxliyyə ediləcək. Məhkəmənin qərarı var, bizim siyasət də belədir... Kəndin dağıdılmasını uzun müddət təxirə salmaq fikrində deyiləm. Vaxt çox azdır”, - Netanyahu deyib.

Qeyd edək ki, Qüds yaxınlığında yerləşən və 200 fələstinlinin yaşadığı kəndi İsrail qeyri-qanuni tikili kimi səciyyələndirib və onu yerlə yeksan etmək barədə qərar verib. Dünya ictimaiyyətinin etirazlarına rəğmən, yerli sakinlərin məcburi köçürüləcəyi gözlənilir.(oxu.az)

AzNews.az