Ermənistanda qazın qiyməti qalxacaq

Rusiya ilə bağlanan müqavilənin müddəti bu il dekabrın 31-də sona çatır.

Təbii qazın qiyməti ilə bağlı Rusiya ilə bağlanan müqavilənin müddəti bu il dekabrın 31-də sona çatır. Bu baxımdan yanvarın 1-də təbii qazın qiymətinin artacağı gözlənilir.

AzNews.az erməni mediasına istinadən xəbər verir ki, bu haqda informasiyanı "Jamanak" qəzeti yayıb.

Mənbə bildirir ki, hazırda qazın yeni qiymətinin müəyyənləşdirilməsi ilə bağlı rəsmi Moskva ilə heç bir danışıq aparılmır. Və bu da o deməkdir ki, istehlakçılar üçün qazın qiymətində artım olacaq.

Xatırladaq ki, noyabrın 8-də təbii ehtiyatlar və enerji infrastrukturları nazirinin vəzifəsini icra edən Qareqin Baqramyan jurnalistlərə açıqlamasında demişdi ki, Rusiya ilə təbii qazın yeni qiymətinin təyin edilməsi ilə bağlı danışıqlar aparılır.

Babək Göyüş

© AzNews.az