Bu ölkədə 15 yaşınadək evlənmək qadağan olunacaq

"15 yaşına çatmamış şəxslərlə nikah bağlamaq qadağan olunmalıdır”

Səudiyyə Ərəbistanının məşvərət məclisi olan Məclis əş Şura 15 yaşına çatmamış yeniyetmələrin nikaha girməsinin qadağan olunması ilə bağlı tələb irəli sürüb.

Şuranın “Twitter”dəki səhifəsində bu barədə məlumat verilib.

“İstər qız olsun, istərsə də oğlan, 15 yaşına çatmamış şəxslərlə nikah bağlamaq qadağan olunmalıdır”, - məlumatda qeyd olunub.

Bununla yanaşı, qurum 18 yaşına çatmamış yeniyetmələrin nikah məsələlərini ixtisaslı məhkəmələrə həvalə olunmasına razılıq verib. (report)

AzNews.az