Görüşün detalları indi də açıqlanmayıb. Görüşün detalları indi də açıqlanmayıb.

Mossadın sabiq direktorunun Səudiyyə Ərəbistanına məxfi səfəri

Görüşün detalları indi də açıqlanmayıb.

İsrailin xarici kəşfiyyat qurumu Mossadın sabiq direktoru Tamir Pardo vəzifədə olduğu zaman 2014-cü ildə gizli şəkildə Səudiyyə Ərəbistanına səfər edib.

İsrailin Kanal 13 televiziyası adını açıqlamayan Qərb diplomatına istinadən qeyd edib ki, 2011-2016-cı illərdə Mossad direktoru vəzifəsini icra edən Pardo 2014-cü ildə Ər-Riyada məxfi səfər edibmiş.

Səfər İran və beynəlxalq güclər arasında başlayan nüvə danışıqları ərəfəsinə təsadüf edib. Həmin dövrdə Səudiyyə ABŞ-İran yaxınlaşmasından narahat olduğu üçün İsraili İrana qarşı güclü dəstəkçi hesab edib. Bu səbəbdən də ilk dəfə İsrail hökumətinin yüksək səviyyəli şəxsinin Ər-Riyada məxfi səfəri baş tutub. Ancaq Mossad şefinin Səudiyyədə hansı məsələləri müzakirə etdiyi, kimlərlə görüşdüyünün detalları indi də açıqlanmayıb.

Bundan başqa, bildirilib ki, İsrail baş naziri Binyamin Netanyahu 2014-cü ilin sentyabr ayında Səudiyyə Ərəbistanının o dövrdəki milli təhlükəsizlik xidmətinin başçısı olan şahzadə Bəndər bin Sultanla üçüncü ölkədə bir araya gəlibmiş.

Bu görüşlə bağlı da tərəflər mətbuata açıqlama verməyib.(teleqraf.com)

AzNews.az