- Dünyanın halı
- 17 Aprel 2019 09:34
- 1 572
Pentaqondan Akar-Şanahan görüşü ilə bağlı açıqlama
Sammers nazirlərin strateji ortaqlar olaraq görüşdüyünü deyib
ABŞ-ın Müdafiə Nazirliyinin (Pentaqon) sözçüsü Çarlz E. Sammers Türkiyənin müdafiə naziri Hülusi Akar və ABŞ-ın müdafiə naziri Patrik Şanahan arasında baş tutan görüşlə bağlı yazılı açıqlama verib.
AzNews.az Türkiyə mediasına istinadən xəbər verir ki, Sammers nazirlərin strateji ortaqlar olaraq görüşdüyünü deyib:
"Görüşlərini mövqelərindən daha çox mənfəətlərə, Türk-Amerikan ortaqlığının zəruriliyinə və NATO müttəfiqləri olaraq həm iki ölkədə, həm də bölgədə qarşılıqlı təhlükəsizlik və iqtisadi artımı əldə etməyə yönəltdilər”.
Xatırladaq ki, Akar Xarici İqtisadi Əlaqələr Qurumu (DEİK) Türkiyə-ABŞ İş Şurası (TAİK) ilə Amerikan Türk Şurası (ATC) tərəfindən 37-ci dəfə təşkil olunan TAİK-ATC Ortaq İllik Konfrans üçün getdiyi Vaşinqtonda ABŞ-ın müdafiə naziri Şanahan ilə görüşüb.
Pərvanə Ağazadə
AzNews.az