Rusiyaya uçuşlar qrafikə uyğun olaraq normal qaydada davam etdirilir Rusiyaya uçuşlar qrafikə uyğun olaraq normal qaydada davam etdirilir

“Gürcüstan hava yolları”: Rusiyaya uçuşlar davam etdirilir

Rusiyaya uçuşlar qrafikə uyğun olaraq normal qaydada davam etdirilir

Bu barədə “Gürcüstan hava yolları” aviaşirkətinin yaydığı məlumatda bildirilib.

Milli aviadaşıyıcı Gürcüstana səfər etmək istəyən sərnişinlərə müraciət edib:

“Sizi turizm mövsümündə Gürcüstana səfər etməyə dəvət edirik. “Gürcüstan hava yolları” sizin təhlükəsiz və rahat birbaşa uçuşlarınızı təmin edəcək”.

Daha əvvəl Rusiyanın Nəqliyyat Nazirliyi bəyan edib ki, Gürcüstan aviaşirkətlərinin Rusiya ərazisinə uçuşları 8 iyul 2019-cu il tarixindən dayandırılacaq.

Qeyd edək ki, ötən gün Rusiya Prezidenti V.Putin yerli aviaşirkətlərə iyulun 8-dən etibarən Gürcüstana uçuşlar həyata keçirməyi qadağan edən qərar qəbul edib.

“Gürcüstan hava yolları” şirkəti Tbilisidən Rusiyanın Moskva, Sankt-Peterburq, Kazan, Mineralnıe vodı, Voronej və Ufa şəhərlərinə birbaşa uçuşlar həyata keçirir. Bu şirkətlə yanaşı Gürcüstanın “My way airlines” şirkəti də Rusiyanın Moskva və Sankt-Peterburq şəhərlərinə uçuşlar yerinə yetirir. Bu arada Gürcüstanın aviaşirkətlərinə Rusiyaya uçuşların dayandırlması ilə bağlı xəbərdarlığın iyunun 24-də təqdim olunacağı gözlənilir. (Report)