Xəzəryanı ölkələr bölgədə iqtisadi əməkdaşlığın gücləndirməsinə dair plan hazırlayacaq

"Konvensiyanın imzalanması tarixi hadisə və Xəzərin beş ölkəsinin uğuru olub"

Xəzərin beş ölkəsinin (Rusiya, Azərbaycan, İran, Qazaxıstan və Türkmənistan) iqtisadiyyat nazirləri qarşılıqlı ticarəti artırmaqla bölgədə iqtisadi əməkdaşlığı gücləndirmək planını hazırlamağa razılıq əldə ediblər.

“Kommersant” xəbər verir ki, bunu Rusiyanın baş naziri Dmitri Medvedev Türkmənistanda keçirilən I Xəzər İqtisadi Forumunda deyib.

O qeyd edib ki, Rusiya Xəzərin və Volqanın inkişafına təxminən 200 milyard rubl sərmayə yatıracaq.

Baş nazir əlavə edib ki, Rusiya tezliklə Xəzərin hüquqi statusu haqqında Konvensiyanı ratifikasiya edəcək. Onun sözlərinə görə, konvensiyanın imzalanması tarixi hadisə və Xəzərin beş ölkəsinin uğuru olub. (APA)

AzNews.az