- Türkiyə
- 13 Dekabr 2018 12:07
- 1 191
Türkiyədə qatar qəzasında ölənlərin sayı 9-a çatıb - Yenilənib
Ölənlərdən 3-ü maşinist, 6-sı isə sərnişindir.
Türkiyədə sürət qatarının lokomotivlə toqquşması nəticəsində ölənlərin sayı 9-a, yaralıların sayı isə 47-yə çatıb.
Bunu ölkənin nəqliyyat naziri Cahit Turhan bildirib.
Onun sözlərinə görə, ölənlərdən 3-ü maşinist, 6-sı isə sərnişindir. Nazir deyib ki, hadisə ilə bağlı araşdırmalar davam edir.(report.az)
***
11:15
Türkiyədə sürət qatarının lokomotivlə toqquşması nəticəsində ölənlərin sayı 7-yə, yaralıların sayı isə 46-ya çatıb.
Xəsarət alanlardan 3-nün vəziyyəti ağırdır.
Ölənlərdən biri sürətli sərnişin qatarının maşinisti, 6-sı isə sərnişindir.
Qatarda ümumilikdə 206 sərnişin olub.
Hadisə ilə bağlı Ankara Prokurorluğu cinayət işi başlayıb, araşdırma aparılır.(report.az)
***
09:40
Türkiyənin Ankara şəhərində qatar qəzasının səbəbi açıqlanıb.
Ankara valisi Vasip Şahin sürət qatarının şəhər ətrafına gedən qatarlardan biri ilə toqquşduğunu bildirib.
Hadisə nəticəsində 4 nəfər ölüb, 43 nəfər yaralanıb.(trend.az)
© AzNews.az