Ərdoğan Mövlanə türbəsini ziyarət etdi - FOTOLAR

O, Hz. Mövlanənin məzarı başında dua edib.

Türkiyə prezidenti Rəcəb Tayyib Ərdoğan "Mövlanə Türbəsi"ni ziyarət edib.

AzNews.az "Hürriyyet"ə istinadən xəbər verir ki, dövlət başçısı Konyada yerləşən türbədə aparılan yenidənqurma işləri ilə tanış olub.

Ərdoğan Türbənin açılış mərasimində çıxış edib. Daha sonra o, Hz. Mövlanənin məzarı başında dua edib.

Ardınca Konya Valiliyinə gedən Türkiyə prezidenti burada vali Cüneyt Orhan Toprakdan iş prosesi haqda məlumat alıb.

Qeyd edək ki, Ərdoğan Konya Böyükşəhər Bələdiyyəsi İdman və Konqres mərkəzində Hz. Mövlanənin 745-ci ildönümü ilə bağlı tədbirdə iştirak edəcək.

AzNews.az