- Türkiyə
- 19 Avqust 2019 17:00
- 2 300
Suriyadakı Türk hərbi karvanına hava hücumu - Son dəqiqə
"Bunun təkrarlanmaması üçün lazımi tədbirləri görəcəyik"
Suriyanın İdlib şəhərində Türkiyənin hərbi konvoyuna aviazərbə endirilib.
AzNews.az xəbər verir ki, nəticədə 3 dinc sakin həlak olub, daha 12 dinc sakin yaralanıb.
Türkiyə Müdafiə Nazirliyinin verdiyi açıqlamada deyilir:
"9 nömrəli İdlib gözləmə məntəqəsində yerdəyişmə zamanı karvanımıza hava zərbəsi təşkil edildi, 3 mülki şəxs öldürüldü və 12 mülki şəxs yaralandı. Rusiya ilə mövcud müqavilələrə və əməkdaşlığa zidd olan bu hücumu qəti şəkildə pisləyirik".
Müdafiə Nazirliyi lazımi tədbirlərin görülməsini tələb edib:
"Mülki, günahsız insanlara böyük zərər vuran və tədricən insan dramasına çevrilən əməliyyatlar Rusiya Federasiyasının səlahiyyətlilərinin bütün xəbərdarlıqlara baxmayaraq davam edir. Bunun təkrarlanmaması üçün lazımi tədbirləri görəcəyik”.
Gül Qədirli
AzNews.az